Hrútfjallstindar, Hafrafellsleið

Áfram heldur guidamennskan, en í þetta skiptið var farið með flottann 15 manna hóp ásamt hundinum Láka á Hrútfjallstinda. Ferðin tók 17 tíma sem er jafn langt og sú í fyrra.

Við fórum frá bílastæðinu við Svínafellsjökul vestur fyrir Hafrafell, og þar upp hrygg sem leiðir inná jökulinn undir tindunum. Hópurinn stóð sig auðvitað mjög vel og byrjuðum við að fara á Vesturtind og fórum svo nokkur á Norðurtind, sem er hæstur. Brekkan niður af Vesturtindi verður alltaf brattari með árunum, en þegar ég prufaði að stinga snjóflóðastönginni í brekkuna fór hún nú ekki nema svona 50cm niður þannig að þetta er örugglega að verða komið. Jaðarsprungar var bara fín, ekkert mál að komast yfir hana, einnig sem lítið af sprungum sáust í Norðurtindi nema þessi eina stóra sem er yfirleitt sýnileg rétt undir toppnum.

Við hittum Örlyg sem fór fyrir hóp á tindana á sama tíma, þau höfðu lagt af stað 2 tímum á eftir okkur. Ætli það sé ekki orðið regla í okkar ferðum að troða fyrir annan hóp? En annars var þetta nú ótrúlega gott færi í þetta skiptið, þegar komið var á jökul var grjóthart undir okkur þannig að við sukkum ekkert í honum. Hinsvegar á niðurleiðinni var snjórinn orðinn vel sólbarinn og var þá vaðið í honum uppað hnjám sumsstaðar.

Veðrið var alveg ótrúlegt, en við byrjuðum í þoku sem fylgdi okkur í ca. 800m hæð og fyrir ofan það reyndist heiðskýrt þegar við komum á Hafrafell. Algjört blankalogn var næstum allan tíman sem var ótrúleg upplifun. Meiraaðsegja á toppnum hreyfði ekki vind. Aðeins var svo byrjað að gjóla á niðurleiðinni, en það var sáralítið. Þegar við komum í 1000 metranna byrjuðu að koma yfir okkur háský sem huldu okkur fyrir sólinni allan daginn, þau voru samt það hátt uppi að gott útsýni var yfir svæðið en svo komu auðvitað nokkur ský þegar leið á dagin.

Við sáum að sjálfsögðu hóp á Hnjúknum þegar við komum upp, spurning hvort þau sem þar voru hafi tekið eftir okkur, en útsýnið af tindunum er magnað!

+ Myndir

//  Milla  skrifaði þann 24.05.2009 klukkan 19:40  

frábærar myndir og takk fyrir flotta ferð

//  Milla  skrifaði þann 24.05.2009 klukkan 19:41  

frábærar myndir og takk fyrir flotta ferð

//  Magga Hallgrímsd.  skrifaði þann 24.05.2009 klukkan 19:59  

Takk Gummi minn fyrir alveg frábæra ferð, þú ert alveg frábær.Er ekki bara Þverártindsegg að ári????

//  Gummi St.  skrifaði þann 24.05.2009 klukkan 20:02  

Takk fyrir það, og það má vel skoða þetta með Eggina, enda brálæðislega flott leið!

//  Sigrún Hallgríms  skrifaði þann 24.05.2009 klukkan 20:52  

Takk fyrir góða fararstjórn

//  Anna Lára  skrifaði þann 25.05.2009 klukkan 09:52  

Takk fyrir frábæra ferð:)

//  Jonni  skrifaði þann 25.05.2009 klukkan 21:47  

Takk fyrir flotta ferð og góða farastjórn

//  Páll Ásgeir  skrifaði þann 08.06.2009 klukkan 19:31  

Flottar myndir að vanda og gaman að sjá skilmerkileg örnefni undir öllum myndum. Þetta lyftir síðunni upp um flokk. Glæsilegt. Páll Ásgeir Ps. Áttu kannski track handa mér?